ഫലിത ബിന്ദുക്കള്‍

                                                                                                  ടീം സ്നേഹ തൂലിക

കരി പുരട്ടിയ ജീവിതങ്ങള് - ദീപു

കാലം എന്റെ തലമുടികളിലും മീശരോമങ്ങളിലും വെളുത്ത വരകള് വരച്ചുതുടങ്ങിയിട്ട് കുറച്ചു നാളായി.കണ്ണാടിയില് നോക്കുമ്പോള് ഒരു ചെറിയ വിഷമം,സാരമില്ല.
ഞാനും ഭാര്യയും ഒന്നര വയസ്സുള്ള മകനും കൂടി പുറത്തേയ്ക്കുപോകുവാനുള്ള തയ്യാറെടുപ്പിലാണ്. മകനെ സുന്ദരനാക്കി,അവള് 'വീണ്ടും' സുന്ദരിയാകാന് തുടങ്ങിയപ്പോഴാണ് അലമാരയില് ഇരിക്കുന്ന കരിപെന്സില് ഞാന് കണ്ടത്, അതെടുത്ത് വെളുത്ത മുടികള് കറുപ്പിച്ച് പ്രായത്തെ അതിജീവിച്ചു.ചെറുപ്പം വീണ്ടെടുത്ത ഞാന് മകന് ഒന്നുരണ്ട് ഉമ്മകള് കൊടുത്ത് അടുക്കള ഭാഗത്തേയ്ക്ക് പോയി. അപ്പോഴാണ് ഭാര്യയുടെ വിഷമത്തോടെയുള്ള ശകാരം കേള്ക്കുന്നത്,'ഞാന് ഒളിച്ചു വന്നു നോക്കി,ഭാഗ്യം എന്നെയല്ല,അവള് മകന്റെ കയ്യൊക്കെ പിടിച്ചു നോക്കുന്നു, 'ഹോ ഞാന് എത്ര നന്നായിട്ട് ഒരുക്കി നിര്ത്തിയതാ..ഈ കൊച്ചിന്റെ മുഖത്തൊക്കെ ആരാ ഇങ്ങനെ കരി വാരി തേച്ചുകൊടുത്തത്'.എനിക്ക് ഒന്നും മനസ്സിലായില്ല.'ശരിയാണ് ഇവന്റെ മുഖത്ത് ഈ കരിയെങ്ങനെ വന്നു!'അവള് സങ്കടത്തോടെ എന്നെ നോക്കി,എന്റെ മുഖത്തുനിന്നും കണ്ണുകള് പിന്വലിച്ചിട്ട് വീണ്ടും എന്നെ നോക്കി,എന്റെ മീശയില്,എന്റെ തലമുടികളില്,'നിങ്ങളീ കരിപെന്സില് എടുത്ത് മീശ കറുപ്പിച്ചിട്ട് എന്റെ മോനെ ഉമ്മവച്ചോ..?'അപ്പോഴാണ് എനിക്ക് കാര്യം പിടികിട്ടിയത്.എനിക്ക് ചിരിവന്നു.ബഹളം കേട്ട് പാത്രം കഴുകികൊണ്ടിരുന്ന ജോലിക്കാരി അവിടേയ്ക്കു വന്നു.'ഈശ്വരാ അവളുടെ മുഖത്തും കരിയുടെ പാടുകള്',എന്റെ ഭാര്യയും അതു കണ്ടു,എന്നെ രൂക്ഷമായി ഒന്നു നോക്കി,ഞാന് മുകളിലേയ്ക്കു നോക്കി "സത്യമായിട്ടും ഈ പാടുകളില് എനിക്ക് പങ്കില്ല"
__________________________________________________

ടോണി കുട്ടന്‍ - ലൗലി

സുവോളജി പ്രാക്ടിക്കൽ ലാബ് ,,അന്നു അലങ്കാരങ്ങൾ കൊണ്ടു നിറഞ്ഞൂ..
ആകെയുള്ള 3ആൺസിംഹങ്ങൾ ഇരയ്ക്കുള്ള വക ഹോട്ടലിൽ നിന്നു വാങ്ങാൻ പോയീ...
ഞങ്ങൾ 3rd year .BSc സുവോളജി സ്റ്റുഡൻസ്,ഞങ്ങളുടെ ഫെയർവെൽ ആണ്. . എല്ലാവരും നിറകണ്ണുകളോടെ ഓട്ടോഗ്രാഫും പിടിച്ച് കൂട്ടമായിരിക്കുന്നു.
കേസരികൾ ആഹാരവുമായി എത്തി അദ്ധ്യാപകരും മുന്നിൽ നിരന്നു ..കൈമൾ സാർ,പഞ്ചാരപണിക്കർ ഗോപൻ സാർ ഗീതടീച്ചർ അങ്ങനെ എല്ലാരും ചടങ്ങുകൾ തുടങ്ങീ ..
ഞാനൊരു ചെറിയപാട്ടു കാരിയായതുകൊണ്ട് ഏതു ചടങ്ങിനും എനിക്കതാണു പണി .ഇന്നും അതുതന്നെ .ഒരു വ്യത്യാസം ഇന്നു കൂട്ടുകാരാണ് എനിക്കു പട്ടു സെലക്ട് ചെയ്തത് ..'നിറങ്ങൾ തൻ നൃത്തം.....മറ്റേത് വിപഞ്ചികേ...വിടപറയും മുമ്പൊരു വിഷാദ ഗീതം കൂടി....്

ഇതു പറഞ്ഞപോഴേ എല്ലാരും കരച്ചിലായീ...
കൈമൾ സാർ വിളിച്ചൂ ലൗലീ....
ഞാൻ ചെന്നു മുന്നിൽ നിന്നൂ ,...കരച്ചിലടക്കി പിടിച്ച് ഞാൻ കണ്ണടച്ച് ഒറ്റ പാട്ട്...

അഴകാന നീലിമയിൽ
മരുഭൂമി പോലെവെരും കണ്ണാടി പോലെ വെരും ടോണിക്കുട്ടാാാാാ
ഒരു വെടിക്കെട്ടായിരുന്നൂ....
__________________________________________________________________________
മൂടല്‍ മഞ്ഞു – രാജേഷ്‌
''നല്ല തണുത്തുറഞ്ഞ ഡൽഹി'' ഇതൊരു വിശേഷണം മാത്രമല്ല അവിടെ ജീവിച്ചവർക്കറിയാം,മരണം വിതയ്ക്കുന്ന തണുപ്പ് അവിടെ വർഷംതോറും തെറ്റാതെ വന്നുകൊണ്ടിരുന്നൂ
2006ൽ ആണെന്നു തോന്നുന്നൂ ഞാൻ അവിടെ garment export ൽ ജോലി ചെയ്യുന്നൂ ..അന്നു പതിവിലും മഞ്ഞു വീണിരുന്നൂ.ഒരു ചായ കുടിച്ചു കിറുങ്ങിയിരുന്നൂ..
ഒരു ബീഹാറി കട്ടിംഗ് മാസ്റ്റർ അന്ന് എന്നോടൊപ്പം ജോലിക്കുണ്ടായിരുന്നൂ...
ചിരി മറന്ന മുഖം,കപ്പട മീശ, ആറടി ഉയരം,ഒത്ത വണ്ണം ,നിത്യവും സൈക്കിളിലായിരുന്നൂ ആശാന്റെ വരവ്. അന്ന് പതിവിലും താമസിച്ചെത്തിയ അയാളോട് ഞാൻ കാരണം തിരക്കി..
ആശാന്റെ മറുപടി''സാഹിബ്ജീ റോഡിൽ മഞ്ഞാണ്''
''അപ്പോൾ നീ എങ്ങിനെ വന്നൂ''എന്നു ഞാൻ
മുഖം ഒന്നു കൂടി ഗൗരവത്തിലാക്കി അയാൾ..''ഞാൻ 10മിനിറ്റ് സൈക്കിൾ ചവിട്ടും എന്നിട്ട് നിർത്തി കുറേ ദൂരം നടന്നു നോക്കും തിരികെ വന്നു സൈക്കിളെടുത്ത് അവിടം വരെ ചവിട്ടും വീണ്ടും നിർത്തി നടന്നു നോക്കും...
എൻറെ കയ്യിലെ ചായ കുലുങ്ങി തെറിച്ചൂ..
നടന്നും ചവിട്ടിയും ..പാവംക്രൂരൻ.....